Bolqarıstanda “Zirvə”nin çempionatı keçirildi, yerli mətbuat bizdən yazdı!

bolqar yarish

“Zirvə” İdman Klubunun beynəlxalq layihəsi olan Zirve İnternational Sport Clubs çərçivəsində yarışlar davam edir. Türkiyədən sonra Bolqarıstanda da daxili çempionatımız baş tutub. “Smolyan-Zirvə” İdman Klubunun təşkil etdiyi Zirve İSC-nin Dünya Çempionatının 2-ci seçmə mərhələsi yarışı böyük maraqla qarşılanıb. Bolqarıstanın müxtəlif regionlarından gəlmiş 42 ağır atlet medallar uğrunda mübarizə aparıblar.

Klubumuzun Bolqarıstan ağır atletikasına verdiyi xeyir ilk yarışımızdaca üzə çıxıb. Belə ki, bu çempionat Smolyan şəhərində 23 il fasilədən sonra keçirilən ilk respublika miqyaslı yarış olub. Açılış mərasimində ilk olaraq məşhur yerli mütəxəssis Kostadin Qrozdanov çıxış edib və bu cür turnirin keçirilməsində böyük razılığını bildirib. Hətta təcrübəli məşqçi sevincdən göz yaşlarını saxlaya bilməyib. Daha sonra şəhərin icra başçısının müavini Mariana Tsekova nitq söyləyib və çempionatı açıq elan edib.

“Smolyan-Zirvə” İK-nın prezidenti, Olimpiya mükafatçısı Veliçko Çolakov da bu qədər böyük fasilədən sonra şəhərdə ağır atletika turnirinin keçirilməsinə sevindiyini bildirib və bunda əməyi keçən hər kəsə təşəkkür edib. Çempionat həm də Bolqarıstanın müstəqilliyinin 102-ci ildönümünə və şəhər gününə həsr edilib.

Daha bir maraqlı məqam medallarla bağlıdır. Yarış iştirakçılarından birinin məşqçisi Veliçka Lukova bildirib ki, Zirve İSC-nin çempionat üçün hazırladığı medallar Olimpiya medallarına bənzəyir. Onun sözlərinə görə, çox keyfiyyətli, xüsusi zövqlə işlənmiş olması idmançılara əlavə mübarizə əzmi verib və yarışın daha yaxşı keçməsinə səbəb olub.

Açılış mərasimində bədii hissə də olub. Həm müasir, həm də bolqar milli musiqisinin nümunələri ifa edilib, milli rəqslər nümayş etdirilib.

Yarışda “Smolyan-Zirvə” İK ilə yanaşı Xaskovodan “Byala Meçka”, Asenovqraddan “Asenovets”, Sopotdan “Samson”, Pazarcıqdan “Pazarcıq” və Kaloferdən “Kalofer” klubunun nümayəndələri iştirak ediblər. Qaliblər 7 yaş qrupunda Sinkleyr cədvəli üzrə müəyyən edilib. “Smolyan-Zirvə” atletləri 2 qızıl və bir bürünc medal əldə ediblər. Onların göstərdiyi nəticələrə əsasən “Zirvə”nin final mərhələsi yarışında iştirak etmək hüququ əldə edib-etmədiyi müəyyənləşəcəkdir.

“Smolyan-Zirvə” İK-nın çempionatı barədə xəbərlər Bolqarıstanın təxminən 20-yə yaxın KİV-i tərəfindən işıqlandırıb. Xüsusilə də yarışda yüksək təşkilaçtılıq qeyd edilib, ölkə ağır atletikasına verilən xeyir diqqətə çatdırılıb.

Yarışın nəticələri ilə tanış olun:

bulgaria smolian results

SHARE
Şərh yaz