7-ci “Zirvə Kuboku”nda yaşı 15-ə qədər olan idmançıların mübarizəsi yarışların zirvə nöqtəsi oldu. Çünki məhz bu qrupda iki Avropa rekordu vuruldu. AAAF PARK Yaşayış Kompleksinin yeni yarış zalında keçirilən turnirin bu yaş qrupunda iki Lənkəran idmançısı Avropa səviyyəli çıxışla yadda qaldı.
Yaş qrupunun qalibi adını bir neçə gün əvvəl Litvanın Klaypeda şəhərində keçirilən ağır atletika üzrə 15 və 17 yaşa qədər yeniyetmə oğlanlar və qızlar arasında Avropa Birinciliyinin də qızıl medalına sahib çıxmış Rüstəm İmanzadə qazandı. Bu birincliyin ən yaxşı idmançısı adını əldə edən Rüstəm, həmin yarışda 62 kq çəki dərəcəsində birdən qaldırma hərəkətində 103 kq-ı başı üzərinə qaldıra bilmişdi. Bu isə yeni Avropa rekordu idi. Sentyabrın 13-də, 7-ci “Zirvə Kuboku”nda isə Rüstəm 104 kq-ı ram edərək Avropa rekordunu yenilədi.
Bununla da iş bitmədi. Bu yaş qrupunda daha bir atlet – Avropa səviyyəsində nəticə qazandı. Litvadakı Avropa birincliyində 69 kq çəki dərəcəsində gümüş medal qazanan Kənan Əliquluzadə, “Zirvə Kuboku”nda daha yaxşı nəticə nümayiş etdirdi. Birdən qaldırma hərəkətində 112 kq-ı ram edən atletimiz, yaşı 15-ə qədər olan idmançılar arasında Avropa rekordunu təkrarladı.
Üçüncü pilləni də Lənkəran atleti tutdu. 174 kq (77 kq + 97 kq) nəticə göstərən və 292,1 Sinkleyr xalı toplayan Ruslan Rzazadə, bürünc medala sahib çıxdı.
Lənkəran ağır atletika məktəbinin uğuru göz qabağındadır. Bu yaş qrupundakı idmançıları və onların məşqçilərini tərbik edirik. Ümid edirik ki, növbəti yarışlarda da Avropa və dünya səviyyəli çıxışlara şahidlik edəcəyik.
[nggallery id=133]
|
15 yaşlılar |
|||||||||
| Yer | Adı | Rayon | İl | Çəkisi | Birdən | Təkanla | Cəmi | Xal | Məşqçisi |
| 1. | İmanzadə Rüstəm* | Lənkəran | 1998 | 55.9 | 104 | 115 | 219 | 339.8 | Qasımov A. |
| 2. | Əliquliyev Kənan** | Lənkəran | 1998 | 64.5 | 112 | 130 | 242 | 338.5 | Əliquliyev T. |
| 3. | Rzazadə Ruslan | Lənkəran | 1998 | 50.7 | 77 | 97 | 174 | 292.1 | Qasımov A. |
| 4. | Rüstəmov İsa | Goranboy | 1999 | 49.5 | 74 | 91 | 165 | 282.7 | Kazımov S. |
| 5. | Səmədov Ülvi | Neftçala | 1998 | 55.4 | 78 | 102 | 180 | 281.2 | Səmədov Cəm. |
| 6. | Bağırov Fərid | Abşeron | 1998 | 58.0 | 86 | 98 | 186 | 277.6 | Bayramov R. |
| 7. | Zeynalov Fərid | Neftçala | 1998 | 65.1 | 85 | 113 | 198 | 275.2 | Səmədov Cəm. |
| 8. | Xəlilov Kənan | Neftçala | 1999 | 40.3 | 60 | 70 | 130 | 269.5 | Səmədov Cəm. |
| 9. | Kazımov Ələddin | Goranboy | 1998 | 61.8 | 82 | 100 | 182 | 262.2 | Kazımov S. |
| 10. | Fətəliyev Fərrux | Şamaxı | 1998 | 56.9 | 70 | 90 | 160 | 244.9 | Şahbazov R. |
| 11. | Mirzəyev Coşqun | Samux | 1998 | 59.2 | 70 | 90 | 160 | 237.7 | Tağıyev Z. |
| 12. | Fətəliyev Kənan | Abşeron | 1998 | 62.4 | 75 | 88 | 163 | 233.2 | Kərimov A. |
