Ümummilli lider Heydər Əliyevin anadan olmasının 97-ci ildönümünə həsr olunmuş, uşaqlar arasında 8-ci interaktiv Zirvə Beynəlxalq Uşaq Oyunlarının Xırdalan mərhələsi başa çatmaq üzrədir. Yarışlar uşaqlar üçün əsl idman bayramına çevrilməkdədir.
Dünyada tuğyan edən koronavirus pandemiyası səbəbindən budəfəki yarışların təmassız şəkildə keçirilməsi nəzərdə tutulub. Oyunlar ölkə ərazisində tətbiq edilən xüsusi rejim – karantin qaydalarına tam uyğunlaşdırılaraq təşkil ediləcəkdir. Durumu nəzərə alaraq uşaqlar arasında ilkin mərhələdə basketbol (səbətə top atma) uşaq atletikasından uzununa tullanma yarışları keçiriləcək. Top atma yarışında simvolik olaraq hər iştirakçı məhz 19 top atacaq və bu bizim COVİD-19 pandemiyasına simvolik etiraz və zərbəmiz olacaq!
#evdəqalsağlamqal prinsiplərinə uyğun olaraq, gərəkdiyi halda, avadanlıqların hər bir yeniyetmə idmançının evinə qədər daşınması və fərdi yarışma şansının verilməsi nəzərdə tutulub. Yerində və ya onlayn olmasından asılı olmayaraq yerinə yetirilən təmrinlər yarışda iştirak kimi qeydə alınacaq, nəticələr emal edilərək bütün iştirakçılar arasında hər növ və hər növdə hər yaş qrupu üzrə ayrıca qaliblər mütəxəssislər tərəfindən müəyyən ediləcəkdir. Qalib və medalçılara hədiyyələr və mükafatları karantin rejiminin qaydalarına uyğun olaraq ilkin mərhələdə elektron formada, daha sonrasında yarışların bağlanış mərasimində real şəkildə təqdim ediləcəkdir.
Yarışların Təşkilat Komitəsinin üzvləri hər gün bir neçə ailənin qonağı olub, bütün təhlükəsizlik qaydalarına riayət olunmaqla yarış təşkil ediblər.
8-ci Zirvə Beynəlxalq Uşaq Oyunlarının bu ilin mayında Astara şəhərində keçirilməsi 30-dan çox ölkədən 10 mindən çox idmançının iştirakı ilə təşkil olunması nəzərdə tutulmuş, müvafiq çalışmalar həyata keçirilərək ilkin mərhələ başa çatdırılmışdı. Ancaq məlum pandemiya səbəbindən idman yarışlarının keçirilməsi mümkünsüz olmuş, Oyunların təşkili sual altına düşmüşdü. Zirvə Beynəlxalq İdman Klublarının rəhbərliyinin alternativ imkanlarla onlayn (interaktiv) yarışları keçirmək qərarı isə bütün çətinliklərə rəğmən ölkədə həyata keçirilən idman siyasətinə dəstək vermək, gələcək nəslin sağlam yetişməsində iştirak etmək, ümummilli lider Heydər Əliyev irsini qorumaq və davam etdirməkdir.
Ötən ilin 5-28 may tarixlərində Xırdalan və Astara şəhərlərində yerləşən AAAF Park Yaşayış, İdman, İstirahət və Əyləncə Komplekslərində keçirilən 7-ci “Zirvə Beynəlxalq Uşaq Oyunlarında 27 idman növündə 12 ölkədən olan 4 mindən çox idmançı uşaq qüvvəsini sınamışdı.
8-Cİ ZİRVƏ BEYNƏLXALQ UŞAQ OYUNLARI.
30 APREL-2 MAY. XIRDALAN
| N | Adı | Yaş | Səbətə top atma | Uz.tullanma |
| 1. | Davud Nəbiyev | 7 yaş | 2 | 0.85 |
| 2. | Mircəfər Nəbiyev | 10 yaş | 5 | 1.60 |
| 3. | Ayşə Əlizadə | 10 yaş | 6 | 1.15 |
| 4. | Renad Əlizadə | 11 yaş | 8 | 1.95 |
| 5. | Hikmət Hüseynov | 8 yaş | 7 | 1.25 |
| 6. | Yusif Məmmədov | 8 yaş | 2 | 0.85 |
| 7. | Arzu Əlizadə | 5 yaş | 4 | 0.85 |
| 8. | Elcan İsmayılov | 7 yaş | 11 | 1.00 |
| 9. | Əlixan İsmayılov | 8 yaş | 13 | 1.10 |
| 10. | Fidan Hüseynova | 8 yaş | 8 | 1.40 |
| 11. | Ramil Hüseynov | 6 yaş | 11 | 1.20 |
| 12. | Rəsul Hüseynov | 5 yaş | 6 | 0.95 |
| 13. | Həmid Kəlbizadə | 7 yaş | 8 | 1.40 |
| 14. | Murad Cavadzadə | 9 yaş | 9 | 1.45 |
| 15. | Həbib Ramazanzadə | 11 yaş | 4 | 1.30 |
| 16. | Ayla Ramazanzadə | 7 yaş | 3 | 1.00 |
| 17. | Fikrət Quliyev | 10 yaş | 6 | 1.65 |
| 18. | İsgəndər Quliyev | 11 yaş | 2 | 1.50 |
| 19. | Ömər Novruzov | 12 yaş | 5 | 1.55 |
| 20. | Hüseyn Abdullayev | 7 yaş | 5 | 1.50 |
| 21. | Səbuhi Hüseynov | 12 yaş | 2 | 1.55 |
| 22. | Tuncay Hüseynov | 11 yaş | 7 | 1.50 |
| 23. | Ömər Behbudov | 11 yaş | 4 | 1.35 |
| 24. | Turan Quluzadə | 12 yaş | 4 | 1.30 |
| 25. | Cavid Hüseynov | 11 yaş | 6 | 1.60 |
| 26. | Aksunə Hüseynova | 12 yaş | 5 | 1.30 |
| 27. | Camal Əhmədov | 7 yaş | 2 | 0.95 |
| 28. | Mehdi Əhmədov | 9 yaş | 4 | 1.10 |
| 29. | Emil Hüseynov | 12 yaş | 6 | 1.25 |
| 30. | Orxan Bayramlı | 11 yaş | 3 | 1.25 |
| 31. | Yusif Bayramzadə | 9 yaş | 2 | 1.10 |
| 32. | Nofəl Bayramov | 12 yaş | 5 | 1.50 |
| 33. | Teymur Bayramov | 12 yaş | 3 | 1.30 |
| 34. | Vüsalə Bayramova | 8 yaş | 7 | 0.90 |
| 35. | Rüqəyya Məlikzadə | 9 yaş | 4 | 0.80 |
| 36. | Cavid Şirvanzadə | 11 yaş | 7 | 1.20 |
| 37. | Məhəmməd Bayramlı | 9 yaş | 6 | 1.40 |
| 38. | Murad Balazadə | 10 yaş | 5 | 1.50 |
| 39. | Nərgiz Aslanova | 8 yaş | 6 | 0.80 |
| 40. | Əminə Nuri | 11 yaş | 6 | 0.95 |
| 41. | Yasin Babayev | 9 yaş | 12 | 1.30 |
| 42. | Abdulqadir Babayev | 10 yaş | 8 | 1.15 |
| 43. | Məcid Mirzəyev | 9 yaş | 8 | 0.90 |
