“Zirvə” Beynəlxalq İdman Klubunun daha bir üzvü Avropa çempionatında uğur qazanıb. Norveçin Fyorde şəhərində keçirilən qadınlar və kişilər arasında ağır atletika üzrə qitənin ən böyük turnirində “Jidaçiv-Zirvə”ni təmsil edən Anastasiya Qotfrid Gürcüstan yığmasının şərəfini qoruyub. O, +75 kq çəki dərəcəsində mübarizə aparıb.
Anastasiya birdən qaldırma hərəkətində 113 kq, təkanla qaldırma hərəkətində 136 kq-ı ram edib. Qotfrid toplam 249 kq (113+136) nəticə ilə Avropa çempionatının gümüş medalına sahib çıxıb.
Təbrik edir, qarşıdakı yarışlarda da böyük uğurlar qazanmasını arzulayırıq!
