Fevralın 13-15-də kişilər və qadınlar arasında ağır atletika üzrə Azərbaycan Çempionatı keçirildi. Gənclər və İdman Nazirliyi və Azərbaycan Ağır Atletika Federasiyasının birgə təşkilatçılığı ilə keçirilən yarışda, Azərbaycan çempionu adı uğrunda respublikamızın rayon, cəmiyyət və klublarından olan atletlər mübarizə apardılar.
Gözlənildiyi kimi, “Zirvə” İdman Klubunun nümayəndələri rəqiblərindən daha üstün çıxış etdilər. Digərlərindən daha çox medal qazanmağımız bunu deməyə imkan verir.
Kişilərin mübarizəsində yetirməmiz Firudin Quliyev, həmçinin Lənkəranlı atletimiz Elxan Əliquluzadənin gözəl çıxışını fərqləndirmək olar. Onlar yüksək nəticələr qazanaraq böyük uğurlar qazanmağa hazır olduqlarını göstərdilər.
Yarışların 2-ci və 3-cü günündə toplam 7 medal qazandıq. Bununla da, “Zirvə” İdman Klubunun yetirmələrinin Azərbaycan Çempionatındakı medalı sayı 18-ə çatdı. Klubumuzun bütün üzvlərini bu uğura görə təbrik edir, qələbələrin davamının gəlməsini arzulayırıq.
Nəticələr
Kişilər
69 kq
1. Valentin Xristov (AZAL)
2. Zülfüqar Süleymanov (AZAL-Zirvə)
3. Yuri Dudoqlo (AZAL)
77 kq
1. Firudin Quliyev (AZAL-Sərhədçi)
2. Həsənov Sərdar (AZAL-Neftçi)
3. Şərifov Elşad (AZAL-Zirvə)
85 kq
1. Əliquluzadə Elxan (AZAL-Zirvə)
2. Bayramov Əfqan (AZAL-Təhsil)
3. İsmayılov Kamran (Zirvə-Sumqayıt)
94 kq
1. İntiqam Zairov (AZAL-Neftçi)
2. Orxan Əliquluzadə (Zirvə-Lənkəran)
3. Ağazaman Əliyev (AZAL-Təhsil)
105 kq
1. Dadaş Dadaşbəyli (AZAL-Zirvə)
2. Nailxan Nəbiyev (AZAL-Spartak)
3. Əli Əliyev (Təhsil)
+105 kq
1. Aluda Manaqadze (AZAL)
2. Xosrov Əhmədov (Neftçi)
3. Nurməmmədov Əziz (AZAL)
