Naxçıvandakı Olimpiya İdman Kompleksində keçirilən Veteran Ağır Atletlər arasında 26-cı kişilər və 24-cü qadınlar Avropa çempionatı davam edir. 21-28 may tarixləri arasında baş tutacaq yarışda 21 ölkədən 200-yə yaxın atlet iştirak edir.
Mayın 27-də yaşı 40-44 arası (M40 qrupu) olan kişilər son olaraq 56, 62, 69, 77, 85 və 94 kq çəki dərəcələrində mübarizə aparıblar. Üç Azərbaycan atleti də bu qrupda yarışıb. Nizami Zeynalov və Emin Əkbərov qızıl, Ağalar Muxtarov isə gümüş medala sahib çıxıb.
Atletlərimizi təbrik edir, gələcək yarışlarda da uğurlar arzulayırıq!
Bütün nəticələr aşağdakı kimidir:
| Adı | Ölkə | Şəxsi çəki | Çəki dərəcəsi | Doğulduğu tarix | Yaş qrupu | Birdən | Təkanla | Toplam | Sinkleyr xalı | Manone-Meltzer | |
| 1. | Nizami Zeynalov | AZE | 59.35 | 62 | 1973 | 40-44 | 95 | 110 | 205 | 306.07 | 359.94 |
| 1. | David Penne | İTA | 66.50 | 69 | 1976 | 40-44 | 85 | 102 | 187 | 257.69 | 292.48 |
| 1. | Sergey Filatov | RUS | 74.70 | 77 | 1974 | 40-44 | 105 | 120 | 225 | 288.32 | 335.03 |
| 2. | Conatan Prada | FRA | 76.85 | 77 | 1975 | 40-44 | 88 | 110 | 198 | 249.62 | 286.81 |
| 1. | Emin Əkbərov | AZE | 84.40 | 85 | 1973 | 40-44 | 100 | 110 | 220 | 251.84 | 296.17 |
| 2. | Ağalar Muxtarov | AZE | 84.30 | 85 | 1973 | 40-44 | 85 | 105 | 190 | 227.99 | 268.12 |
| 1. | Rudolf Diem | AUT | 92.00 | 94 | 1972 | 40-44 | 105 | 120 | 225 | 259.10 | 308.06 |
| 2. | Torsten Zeyner | GER | 93.35 | 94 | 1976 | 40-44 | 88 | 123 | 211 | 241.43 | 274.03 |
Bu yarışın keçirilmə hüququ Azərbaycana ötən ilin iyununda Uelsin Banqor şəhərində verilib. Qərar qəbul edərkən Avropa Veteran Ağır Atletlər Komitəsi ölkəmizin belə turnirləri yüksək səviyyədə və uğurla keçirmə təcrübəsini nəzərə almışdı. Xatırladaq ki, 2012-ci il 1-10 iyun tarixlərində Lənkəranda analoji turnir keçirilmişdi. 2014-cü il 4-8 iyul tarixlərində isə elə Naxçıvanda veteranlar arasında Dünya Kuboku uğurla təşkil olunmuşdu.
The requested album cannot be loaded at this time. Error: OAuthException Code: 200, (#200) Missing Permissions