Daha bir dopinq qalmaqalı baş verib. Ötən il İsraildə keçirilən gənclər arasında Avropa çempionatında götürülən 20-dən çox dopinq-test müsbət nəticə verib. Onlardan çoxu türk idmançılar olub və bu haqda məlumat vermişdik. İndi isə daha dörd nəfərin adı açıqlanıb. Onlar Belarus idmançılarıdır: turnirdə öz çəkisində çempion olmuş Darya Poçobut, gümüş medalçı Violetta Saçko və bürünc medalçı Olqa Drılo qadınlardan, 7-ci yeri tutmuş İvan Klim isə oğlanlardandır.
Onların dopinq qəbul etdiyi dəqiqləşib və hərəsinə iki illik diskvalifikasiya verilib. Qazandıqları medallar isə başqalarına, yəni onlardan sonrakı yeri tutan idmançılara veriləcək.
