Bugünlərdə SSRİ İdman Ustası, Əməkdar məşqçi, Ziyabil Abbasovun xatirəsinə həsr olunmuş “Gəncə” İdman Klubunun cüdo üzrə 2003-2004 və 2005-2007-ci illər arasında açıq birinciliyi keçirilib. Gənc Olimpiya-İdman Kompleksinin yarış zalında baş tutan turnirdə “Zirvə” cüdoçuları da iştirak ediblər. Elməddin və Hətəm Əhmədovların rəhbərliyi altında çıxış edən idmançılarımız uğurlu çıxışla yadda qalıblar.
“Zirvəçilə” 4 qızıl və 2 bürünc medalla yarışın ən yaxşıları sırasında yer alıblar. 18 kq çəki dərəcəsində Cahid Əhmədov, 24 kq-da Turac Vəlizadə, 27 kq-da Xalid Məmmədov, 34 kq-da Murad Əliyev 1-ci, 30 kq-da Emin Həsənov və 46 kq-da Elcan Azməmmədov 3-cü yeri tutaraq fəxri kürsünün müvafiq pillələrinə qalxıblar.
Bu qələbələr münasibətilə cüdoçularımız və onların məşqçilərini təbrik edir, daha böyük yarışlardan da zəfərlə qayıtmalarını arzulayırıq!
