Basketbol üzrə Azərbaycan Superliqasının 3-cü turunun oyunları keçirilib. İlk qarşılaşmada komandamız “Zirvə-Astara” güclü “Sərkərdə” ilə üz-üzə gəlib.
Oyun bərabər səviyyədə keçib və azarkeşlər maraqlı mübarizəyə şahidlik ediblər. Matçın 2-ci yarısından sonra “Zirvə” tədricən təşəbbüsü ələ alıb. Möhtəşəm oyun nümayiş etdirən Çarlz İton və Endər Poladxanlının topladığı xallar həlledici olub. Təsadüfi deyil ki, komandanın 89 xalından 62-ni məhz bu cütlük aktivinə yazdırıb. Çarlz 31, Endər 30 xalla fərqlənib. Nəticədə oynayan-məşqçi Zaur Paşayevin də rəhbərliyi altında rəqibimizi 89:77 hesabı ilə yenərək turnir cədvəlinin zirvəsindəki yerimizi qoruduq.
Bir gün sonra “Xırdalan” Superliqada ilk qəbələsini bayram etdi. Samit Nuruzadənin komandası güclü “Gəncə”ni 82:60 hesabı ilə yenərək tərəfdarlarını sevindirdi.
Digər iki oyunda “Atom” “Sıçrayış”ı 100:60, daha bir lider “Atletik” isə “80-lər”i 87:64 məğlub etməyi bacardı.
Üç turdan sonra turnir cədvəlinə başçılığı maksimum nəticə ilə “Zirvə-Astara” və “Atletik” edirlər.
| Komandalar | Oyun | Qələbə | Məğlubiyyət | T/F | Xallar |
| “Zirvə-Astara” BK | 3 | 3 | 0 | +56 | 6 |
| “Atletik” BK | 3 | 3 | 0 | +50 | 6 |
| “Atom” BK | 3 | 2 | 1 | +43 | 5 |
| “Xırdalan” | 3 | 1 | 2 | +8 | 4 |
| “Sərkərdə” BK | 3 | 1 | 2 | -16 | 4 |
| “Gəncə” BK | 3 | 1 | 2 | -34 | 4 |
| “Sıçrayış” BNK | 3 | 1 | 2 | -54 | 4 |
| “80-lər” | 3 | 0 | 3 | -53 | 3 |
