9-10 aprel tarixlərində Şüvəlan qəsəbəsində yerləşən Ağır Atletika Akademiyasının yarış zalında kişilər və qadınlar arasında ağır atletika üzrə Azərbaycan çempionatı keçirilib. Azərbaycan Gənclər və İdman Nazirliyi və Azərbaycan Ağır Atletika Federasiyasının birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayıb. Çempionat gərgin mübarizə, maraqlı görüntülər, idman bayramı ab-havasında keçməsi ilə yadda qalıb.
Çempionatın təşkilində məqsəd ağır atletika idman növünün şəhər, rayon, qəsəbə və kəndlərdə təbliği və inkişafına dəstək verilməsi, idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
İki illik fasilədən sonra təşkil olunan ilk Respublika turnirində “Zirvə” atletləri də çıxış edib və həmişə olduğu kimi böyük uğurla yadda qalıblar. Təmsilçilərimiz çempionatda bütün klubların nümayəndələri arxada qoymağı bacarıblar.
“Zirvəçilər” 6 qızıl, 2 gümüş və 6 bürünc medalla möhtəşəm çıxış nümayiuş etdiriblər. Bu nəticə ilə “Zirvə” yenidən Azərbaycan ağır atletikasının zirvəsində olduğunu sübut edib.
İdmançı və məşqçilərimiz, həmçinin bütün klub üzvlərimizi təbrik edir, səsimizin həmişə zirvələrdən gəlməsini arzulayırıq!
| Yer | Adı | İl | Şəhər | Klub | Çəki | Birdən | Təkanla | Toplam |
| 1. | Tehran Məmmədov | 2001 | Qobustan | Zirvə | 60.8 | 115 | 135 | 250 |
| 1. | İsa Rüstəmov | 1999 | Goranboy | Zirvə | 66.00 | 125 | 145 | 270 |
| 1. | Paşa İbrahimli | 1995 | Lənkəran | Zirvə | 72.7 | 135 | 162 | 297 |
| 1. | Elşad Şərifov | 1997 | Şamaxı | Zirvə | 79.40 | 131 | 166 | 297 |
| 1. | Kamran İsmayılov | 1993 | Sumqayıt | Zirvə | 86.3 | 133 | 159 | 292 |
| 1. | Rəhman Kazımov | 2001 | Xırdalan | Zirvə | 114.2 | 133 | 175 | 308 |
| 2. | Kənan Əliquliyev | 1998 | Lənkəran | Zirvə | 79.80 | 135 | 160 | 295 |
| 2. | Ceyhun Tağızadə | 1995 | Lənkəran | Zirvə | 85.7 | 131 | 159 | 290 |
| 3. | Elnarə Abbasova | 1997 | Qazax | Zirvə | 71.10 | 75 | 100 | 175 |
| 3. | Ramiz Kazımov | 2006 | Neftçala | Zirvə | 54.60 | 80 | 85 | 165 |
| 3. | Rəhim Kazımov | 2004 | Xırdalan | Zirvə | 65.90 | 100 | 123 | 223 |
| 3. | Ömər Cavadov | 2007 | Xırdalan | Zirvə | 72.4 | 130 | 155 | 285 |
| 3. | Fuqan Əliyev | 2001 | Lerik | Zirvə | 74.00 | 120 | 147 | 267 |
| 3. | Səxavət Babayev | 1997 | Şamaxı | Zirvə | 83.1 | 90 | 122 | 212 |
