Naxçıvandakı Olimpiya İdman Kompleksində Veteran Ağır Atletlər arasında 26-cı kişilər və 24-cü qadınlar Avropa çempionatı keçirilir. Yarışda 21 ölkədən 200-yə yaxın atlet iştirak edir.
Üçüncü yarış günü artıq başa çatıb. Son olaraq yaşı 65-69 arası (M65 qrupu) olan kişilər körpücük üzərinə çıxıblar. Bu qrupda “Zirvə” Beynəlxalq İdman Klubunun iki atleti çıxış edib. 85 kq çəki dərəcəsində “Ankara-Zirvə” nümayəndəsi Salih Suvar qələbə qazanıb. O, möhtəşəm yarışaraq həm təkanla qaldırma, həm də toplamda dünya və Avropa rekordunu yeniləyib.
94 kq-da isə “Abşeron-Zirvə” atleti Vladimir Jilyayev çempionluq qazanıb. Mükafatlandırma mərasimində tribunlara toplaşanların gurultulu alqışları milli ruhun yüksəldən görüntülərə səbəb olub. Azərbaycanlı və türk atlet birlikdə bayraq qaldırıblar. Jilyayevin sevincdən gözünün yaşarması isə xüsusi qeyd olunacaq məqamdır. 68 yaşlı atletimiz ən xoş sözlərə layiq olduğunu göstərib.
Salih Suvar və Vladimir Jilyayevi təbrik edir, onlara uzun ömür, daha çox qələbə sevinci yaşamağı arzulayırıq!
Bütün nəticələr aşağdakı kimidir:
| Adı | Ölkə | Şəxsi çəki | Çəki dərəcəsi | Doğulduğu tarix | Yaş qrupu | Birdən | Təkanla | Toplam | Sinkleyr xalı | Manone-Meltzer | |
| 1. | Viktor Mayer | GER | 55.50 | 56 | 1948 | 65-69 | 56 | 72 | 128 | 201.19 | 357.92 |
| 1. | Yurgen Qreyner | GER | 68.55 | 69 | 1951 | 65-69 | 75 | 90 | 165 | 222.90 | 370.69 |
| 2. | Yuri Laqutin | RUS | 68.10 | 69 | 1948 | 65-69 | 60 | 70 | 130 | 176.37 | 313.76 |
| 1. | Morqan Ask | SWE | 76.35 | 77 | 1949 | 65-69 | 63 | 78 | 141 | 178.42 | 310.09 |
| 2. | Zbiqnev Makovski | POL | 72.85 | 77 | 1947 | 65-69 | 60 | 79 | 139 | 180.79 | 329.58 |
| 3. | Andrjey Skripiy | POL | 75.50 | 77 | 1949 | 65-69 | 52 | 67 | 119 | 151.55 | 263.39 |
| 1. | Salih Suvar | TUR | 83.35 | 85 | 1949 | 65-69 | 95 | 115 | 210 | 253.44 | 440.48 |
| 1. | Vladimir Jilyayev | AZE | 94.00 | 94 | 1948 | 65-69 | 95 | 115 | 210 | 239.58 | 426.21 |
| 2. | Bruno Savoldelli | FRA | 91.80 | 94 | 1951 | 65-69 | 65 | 76 | 141 | 162.52 | 270.28 |
| 1. | Jan-Pol Belma | FRA | 98.25 | 105 | 1949 | 65-69 | 63 | 87 | 150 | 168.04 | 292.06 |
Bu yarışın keçirilmə hüququ Azərbaycana ötən ilin iyununda Uelsin Banqor şəhərində verilib. Qərar qəbul edərkən Avropa Veteran Ağır Atletlər Komitəsi ölkəmizin belə turnirləri yüksək səviyyədə və uğurla keçirmə təcrübəsini nəzərə almışdı. Xatırladaq ki, 2012-ci il 1-10 iyun tarixlərində Lənkəranda analoji turnir keçirilmişdi. 2014-cü il 4-8 iyul tarixlərində isə elə Naxçıvanda veteranlar arasında Dünya Kuboku uğurla təşkil olunmuşdu.
The requested album cannot be loaded at this time. Error: OAuthException Code: 200, (#200) Missing Permissions