Martın 26-da AAAF Park Yaşayış Kompleksinin yarış zalında “Zirvə” Beynəlxalq İdman Klubunun cüdo üzrə açıq birinciliyi keçirildi. Turnirdə ölkənin ən güclü klublarının idmançıları medal mübarizəsi apardılar. 9 çəki dərəcəsində qalib və mükafatçılar müəyyən edildi.
Klubumuzun 10 illik yubileyinə həsr olunmuş bu yarışın keçirilməsində məqsəd cüdo idman növünün bölgələrdə təbliği və inkişafı, klubun güclü cüdoçularının müəyyən edilməsi, idmançıların idman ustalığının artırılması və təkmilləşdirilməsi, Respublika birinciliyi və çempionatında iştirak edəcək klubun yığma komandasının komplektləşdirilməsi idi.
Yarışda açılış sözü ilə “Zirvə” Beynəlxalq İdman Klubunun direktoru Rizvan Rəsulov çıxış etdi. O, cüdo idman növünün vacib növ olduğunu qeyd edərək, ona diqqət ayrılmasının əhəmiyyətini vurğuladı. Əlavə etdi ki, Azərbaycanda yeridilən idman siyasəti böyük uğurla yerinə yetirilir və “Zirvə” də bu siyasətə dəstəyini daima nümayiş etdirir. Ağır atletika, futbol və gimnastika ilə yanaşı klubumuzun cüdoçuları da uğurlar qazanır, ölkəmizin bayrağını beynəlxalq arenalarda dalğalandırma imkanı əldə edirlər.
Birincilik 2002-03-cü il təvəllüdlü yeniyetmələr arasında keçirildi. Azərbaycanın ən güclü cüdoçularının toplaşdığı “Neftçi”, “Atilla”, “Pəhləvan”, həmçinin Sumqayıtın “Nəqşicahan” və IOEUGIM, “Təhsil” kimi klublarla başabaş mübarizə aparan “Zirvə”çilər tatami üzərində gözəl mübarizə nümayiş etdirdilər.
Cüdoçularımız ümüumilikdə 8 medal qazandılar ki, onlardan dördü “Bakı-Zirvə” təmsilçilərinin aktivinə yazıldı. 2 qızıl və 2 bürünc medal əldə edən paytaxt təmsilçiləri yekun sıralamada ikinci yerə çıxıblar. Ölkənin ən yaxşı klublarının bu yarışda iştirak etdiyini nəzərə alsaq, əldə edilən bu nəticənin həqiqətən də böyük uğur olduğunu qeyd etmək olar.
Təbrik edirik!
| 46 kq | ||
| 1. | Hacıəli Qasımov | “Pəhləvan” |
| 2. | Rasim İsmayılov | Pəhləvan |
| 3. | Umud Ağamirov | İsmayıllı-Zirvə |
| 3. | Mustafa Budaqov | Bakı-Zirvə |
| 50 kq | ||
| 1. | Kənan Qardaşxanov | Bakı-Zirvə |
| 2. | Sənan Əhmədov | Atilla |
| 3. | Rəşad Əhədli | Atilla |
| 3. | Məhərrəmov Mehdiyev | İsmayıllı-Zirvə |
| 55 kq | ||
| 1. | Nicat Rzazadə | Təhsil |
| 2. | Ayxan Süleymanov | Təhsil |
| 3. | Ramiz Baxışov | Bakı-Zirvə |
| 3. | Ömər Məmmədzadə | Abşeron-Zirvə |
| 60 kq | ||
| 1. | Böyükağa Süleymanov | Atilla |
| 2. | Emin Haqverdiyev | Pəhləvan |
| 3. | Rəsul Mehdiyev | Atilla |
| 3. | Əkbər Behbudzadə | Təhsil |
| 66 kq | ||
| 1. | Nurlan Bədirov | Nəqşicahan |
| 2. | Ruslan Nəsirli | Neftçi |
| 3. | İlqar Abışov | Atilla |
| 3. | Elnur Mirzəyev | Abşeron-Zirvə |
| 73 kq | ||
| 1. | Oruc Mustafazadə | Təhsil |
| 2. | Rauf Abdullayev | Təhsil |
| 3. | Sənan Rüstəmov | Nəqşicahan |
| 3. | Ramiz Sadıqlı | Pəhləvan |
| 90 kq | ||
| 1. | Umud Eyvazov | Neftçi |
| 2. | Həzrətəli Cəfərov | Pəhləvan |
| 3. | Fərid İbrahimov | Nəqşicahan |
| +90 kq | ||
| 1. | Çoi Junvon | Bakı-Zirvə |
| 2. | Vahid Şahhüseynov | Təhsil |
Komandaların sıralaması
| Yer | Klub | Qızıl | Gümüş | Bürünc |
| 1. | TƏHSİL RİMSF | 2 | 3 | 1 |
| 2. | BAKI-ZİRVƏ | 2 | – | 2 |
| 3. | PƏHLƏVAN-RİK | 1 | 3 | 1 |
| 4. | Atilla | 1 | 1 | 3 |
| 5. | Neftçi | 1 | 1 | – |
| 6. | Nəqşicahan | 1 | – | 2 |
| 7. | Abşeron-Zirvə | – | – | 2 |
| 8. | İsmayıllı-Zirvə | – | – | 2 |
| 9. | İOEUGİM-Sumqayıt | – | – | – |
The requested album cannot be loaded at this time. Error: OAuthException Code: 200, (#200) Missing Permissions
